Ynglŷn â’r Cwrs Yma
Mae'r modiwl dysgu cymysg hwn wedi'i gynllunio ar gyfer gweithwyr gofal iechyd proffesiynol sy'n gweithio'n uniongyrchol gyda chleifion ac sydd wedi'u cofrestru gyda chorff rheoleiddio proffesiynol cydnabyddedig yn y DU.
Bydd y modiwl yn dechrau ar 23 Medi 2026 yn Semester 1 blwyddyn academaidd 2026–27. Mae'n darparu'r wybodaeth uwch am ffisioleg a phathoffisioleg sydd ei hangen i gefnogi penderfyniadau clinigol sy'n seiliedig ar dystiolaeth a gofal cleifion.
Ar gyfer pwy mae'r cwrs hwn?
Mae'r modiwl hwn wedi'i anelu at weithwyr gofal iechyd proffesiynol cofrestredig, gan gynnwys:
- Nyrsys
- Bydwragedd
- Ffisiotherapyddion
- Therapyddion Galwedigaethol
- Parafeddygon
- Fferyllwyr
Mae'n arbennig o addas i ymarferwyr sydd am ehangu eu cwmpas ymarfer a datblygu sgiliau asesu corfforol sy'n seiliedig ar dystiolaeth er mwyn cefnogi diagnosis a rheolaeth cleifion sy'n cyflwyno cyflyrau heb eu diagnosio neu heb eu gwahaniaethu'n glir.
Pam dewis y cwrs hwn?
Bydd y modiwl hwn yn eich helpu i ddatblygu'r wybodaeth a'r sgiliau sydd eu hangen i gynnal ymgynghoriadau effeithiol sy'n canolbwyntio ar yr unigolyn ar lefel uwch.
Drwy ehangu eich dealltwriaeth o ffisioleg a phathoffisioleg, byddwch mewn sefyllfa well i gefnogi ymarfer clinigol uwch, rhagnodi a gwneud penderfyniadau gwybodus. Mae cyn-fyfyrwyr wedi nodi bod cwblhau'r modiwl hwn wedi cael effaith sylweddol a pharhaol ar eu hymarfer proffesiynol.
Trefniant y Cwrs
Cynhelir sesiynau addysgu bob dydd Mercher rhwng 13:30 a 16:00 ar gampws Bangor.
Dyddiad Cychwyn: 23 Medi 2026
Sesiwn Olaf: 20 Ionawr 2027
Bydd un sesiwn rhwng 23 Medi a 9 Rhagfyr 2026 yn cael ei neilltuo ar gyfer dysgu hunangyfeiriedig. Ni fydd angen mynychu'r campws ar gyfer y sesiwn hon.
Dyddiadau Sesiynau:
- 23/09/26
- 30/09/26
- 07/10/26
- 14/10/26
- 21/10/26
- 28/10/26
- 04/11/26
- 11/11/26
- 18/11/26
- 25/11/26
- 02/12/26
- 09/12/26
- 13/01/27
- 20/01/27- Asesiad
Bydd un sesiwn rhwng 23 Medi a 9 Rhagfyr 2026 yn cael ei neilltuo ar gyfer dysgu hunangyfeiriedig. Ni fydd angen mynychu'r campws ar gyfer y sesiwn hon.
Tiwtor
Sangeeta Chandrashekar
Mae Sangeeta Chandrashekar yn ffisiotherapydd cofrestredig ac yn aelod o'r British Physiological Society. Cwblhaodd ei PhD mewn Ffisioleg Feddygol yn 2022 ac mae ganddi brofiad helaeth ym maes ffisioleg, pathoffisioleg ac addysg gofal iechyd.
Cynnwys y Cwrs
Beth fyddwch chi’n ei astudio ar y cwrs yma?
Nod y modiwl hwn yw datblygu a chryfhau eich gwybodaeth am ffisioleg a phathoffisioleg i gefnogi ymarfer clinigol uwch, gwneud penderfyniadau a rhagnodi o fewn gofal iechyd sy'n seiliedig ar dystiolaeth.
Mae'r modiwl yn berthnasol i weithlu gofal iechyd amlbroffesiynol amrywiol a hyblyg ac yn addas ar gyfer gweithwyr proffesiynol cofrestredig sy'n ymgymryd â rolau ymarfer uwch.
Bydd y pynciau'n cynnwys:
- Bioleg celloedd
- Homeostasis a chyfaint hylifau'r corff
- Swyddogaeth ffisiolegol arferol:Y system gardiofasgwlaidd
- Y system resbiradol
- Y system arennol
- Y system gastroberfeddol
- Y system nerfol
- Y system endocrinaidd
- Rôl systemau ffisiolegol wrth gynnal homeostasis
- Addasiad ac ymatebion meinweoedd
- Prif brosesau patholegol
- Pathoffisioleg clefydau sy'n effeithio ar:Y system gardiofasgwlaidd
- Y system resbiradol
- Y system arennol
- Y system gastroberfeddol
- Y system nerfol
- Y system endocrinaidd
Ar ôl cwblhau'r modiwl yn llwyddiannus, byddwch yn gallu:
- Gwerthuso'n feirniadol wybodaeth a dealltwriaeth o ffisioleg ac egwyddorion sylfaenol clefydau a all effeithio ar y corff dynol drwy gydol oes.
- Dangos cymhwysiad o wybodaeth a dealltwriaeth o swyddogaeth systemau organau a rhagweld newidiadau ffisiolegol cydadferol.
- Dangos gwybodaeth a dealltwriaeth o ffisioleg a phathoffisioleg drwy gydol oes i lywio penderfyniadau uwch sy'n ymwneud â gofal clinigol.
Math o Asesiad
Asesiad Crynodol
Pwysoliad
100%
Meini Prawf Asesu
Pas (C)
Dangos gwybodaeth am ffisioleg a phrosesau patholegol
Pas Da (B)
Dangos dealltwriaeth dda o brosesau ffisiolegol a phatholegol.
Pas Rhagorol (A)
Dangos lefel uchel o wybodaeth a dealltwriaeth o brosesau ffisiolegol a phatholegol
Gofynion Mynediad
Mae'r modiwl hwn ar agor yn unig i weithwyr gofal iechyd proffesiynol sy'n gweithio'n uniongyrchol gyda chleifion ac sydd wedi'u cofrestru gyda chorff rheoleiddio proffesiynol cydnabyddedig yn y DU.
Gwneud Cais
Sut i wneud cais
Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.
Paratowch y wybodaeth ganlynol (mewn dogfen Word):
- Manylion cyflogaeth cyfredol;
- Blynyddoedd o brofiad, a hanes cyflogaeth (lle bo hynny'n berthnasol)
- Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.
Bydd hyn yn cyflymu'r broses o lenwi'r ffurflen gais.
I wneud cais am y cwrs hwn, mae angen i chi greu cyfrif yn ein
Bydd angen i chi gael mynediad at y cyfeiriad e-bost yr ydych yn ei nodi wrth greu eich cyfrif i'w gadarnhau.
Ar ôl creu cyfrif, byddwch yn gweld tudalen gartref gyda sawl tab:
- Personol
- Rhaglen
- Gwybodaeth
- Cyswllt
- Addysg
- Cyflogaeth
- Iaith
- Cyllid
Mae angen i chi gwblhau pob adran cyn cyflwyno'ch cais.
Pan fydd adran wedi'i chwblhau, bydd symbol 'tic' yn ymddangos ar y tab.
- Cliciwch ar 'Ceisiadau nad ydynt yn graddio / Modiwlau Annibynnol', yna dewiswch 'Heb raddio ol-raddedig'.
- Yn yr adran nesaf, dewiswch Modiwlau a Addysgir nad ydynt yn Graddio mewn Iechyd (NGGT/HEALTH) Cliciwch Cadw a Parhau.
- Ar y dudalen nesaf, y rhagosodiad ar gyfer y cwestiwn cyntaf yw Llawn Amser. Mae'n rhaid i chi newid hyn i 'Ran Amser':
- Nawr mae angen i chi fewnbynnu cod y modiwl:Ffisioleg a Phathoffisioleg : y cod yw NHS 4511. Rhaid cwblhau'r adran hon er mwyn i'ch cais gael ei brosesu.
- Mae angen i chi hefyd nodi'r dyddiad dechrau. Dewiswch eich dewis, yna cliciwch 'Cadw a Parhau'.
- PWYSIG: Nid oes angen i chi ysgrifennu datganiad personol i wneud cais am y cwrs hwn. Yn hytrach, llwythwch y ddogfen i fyny, gan gynnwys gwybodaeth am gyflogaeth, profiad ac addysg rydych wedi'i chreu cyn dechrau'r cais sy'n cynnwys enw eich cyflogwr presennol, nifer y blynyddoedd o brofiad sydd gennych, a'ch cymhwyster uchaf hyd yn hyn. Cliciwch Cadw a symud ymlaen.
Dim ond manylion eich cymhwyster uchaf sydd ei angen arnoch hyd yma, e.e. os oes gennych gymhwyster ôl-raddedig, dim ond hyn y dylech ei gynnwys.
Gofynnir i chi am dystiolaeth o'r cymhwyster. Anfonwch gopi o'ch cymhwyster naill ai os yw'n hawdd ei gyrraedd, neu lanlwythwch y ddogfen Word eto (a baratowyd gennych yn gynharach).
Ewch i waelod y dudalen a chliciwch ar 'Nid oes gennyf unrhyw hanes cyflogaeth'. Rydych eisoes wedi paratoi'r wybodaeth yma yn eich dogfen Word.
Os ydych yn cael eich ariannu gan AaGIC / Bwrdd Iechyd, atebwch y cwestiynau a ganlyn:
- Sut byddwch chi'n ariannu'ch astudiaethau? Noddedig
- Union enw'r awdurdod cyllido: Bwrdd Iechyd
- Gwlad: Y Deyrnas Unedig
- Rhowch fanylion swm y dyfarniad? Wedi'i ariannu'n llawn.
- Bydd y nawdd yn cynnwys: Ffioedd Dysgu
- A ydych chi wedi derbyn y cyllid hwn? Dewiswch ‘ie’ * Sylwch y bydd gofyn i chi uwchlwytho tystiolaeth o’r cyllid. Os hoffech gadarnhau ‘ie’ i’r cwestiwn hwn, ond nad oes gennych unrhyw gadarnhad ysgrifenedig i’w uwchlwytho, gallwch uwchlwytho’ch ddogfen Word yma eto.
Os ydych yn hunan-ariannu, neu'n cael eich ariannu gan bractis meddyg teulu annibynnol, rhowch yr holl fanylion fel y bo'n briodol