����VR��Ƶ

Mae'r cwrs hwn yn cyflwyno egwyddorion ac arferion cyd-gynhyrchu, gan gynnig canllawiau ymarferol ar ddatblygu ymchwil neu wasanaethau gyda phobl sydd â phrofiad o fyw gyda dementia. Mae’n addas i aelodau'r cyhoedd a gweithwyr proffesiynol o amrywiaeth eang o gefndiroedd, cyflwynir y cwrs trwy dri modiwl byr gan ddefnyddio sgyrsiau wedi eu recordio, cyfweliadau ac adnoddau ar-lein. 

Pa mor hir mae'n ei gymryd i gwblhau'r cwrs? 

Mae'r cwrs hwn yn cynnig tua 5 awr o ddeunydd addysgu ar-lein. Anogir cyfranogwyr i ganiatáu 5 awr ychwanegol o amser astudio annibynnol er mwyn cael y budd mwyaf o'r cwrs. 

Mae'r cwrs ar-lein ac yn hunan-gyfeiriedig, sy’n caniatáu ichi astudio ar eich cyflymder eich hun.  

Pam Astudio'r cwrs hwn?

Erbyn diwedd y cwrs, bydd y rhai sy'n gwneud y cwrs wedi: 

• Datblygu dealltwriaeth fanwl o gyd-gynhyrchu ym maes ymchwil iechyd a gofal cymdeithasol, gyda phwyslais penodol ar weithio gyda phobl sy'n byw gyda dementia
• Ystyried amrywiaeth o ddulliau cyd-gynhyrchu a ddefnyddir mewn ymchwil sy'n gysylltiedig â dementia a heneiddio
• Adyfyrio'n feirniadol ar yr heriau a'r cyfleoedd sy'n gysylltiedig â chymhwyso cyd-gynhyrchu yn eu cyd-destun proffesiynol neu glinigol eu hunain
• Cael cipolwg ar effeithiau cadarnhaol cyd-gynhyrchu ar unigolion, gwasanaethau a chanlyniadau ymchwil
• Teimlo'n fwy parod i ddylunio a chymhwyso egwyddorion cyd-gynhyrchu o fewn eu gwaith proffesiynol neu ymarferol 

Ar gyfer pwy mae'r cwrs hwn yn addas?

Mae'r cwrs hwn yn addas i amrywiaeth eang o ddysgwyr, gan gynnwys: 

• Pobl sy'n gweithio mewn sefydliadau cyhoeddus neu breifat, yn y Deyrnas Unedig neu'n rhyngwladol (i gyfranogwyr sy'n siarad Saesneg), yn enwedig ym maes gofal iechyd a chymdeithasol
• Gweithwyr proffesiynol gofal iechyd a chymdeithasol
• Gweithwyr proffesiynol sy'n gweithio gydag elusennau, gan gynnwys y rhai sy'n cefnogi oedolion hŷn, pobl sy'n byw gyda dementia, gofalwyr di-dâl ac aelodau o'r teulu
• Ymchwilwyr ac academyddion, gan gynnwys myfyrwyr doethurol, sy'n gweithio ym maes iechyd, gwyddorau cymdeithas neu wyddorau meddygol
• Aelodau o'r cyhoedd sydd â diddordeb mewn ymchwil neu gyd-gynhyrchu
• Gofalwyr di-dâl
• Pobl sy'n byw gyda dementia 
   

Tiwtor

Y'r Athro Gill Windle

Gerontolegydd a Seicolegydd Siartredig sy'n arbenigo mewn ymchwil rhyngddisgyblaethol yw Gill Windle (BSc; MSc; PhD). Hi yw Cyfarwyddwr Canolfan Datblygu Gwasanaethau Dementia Cymru. Nod ymchwil Gill yw gwella iechyd, llesiant a gwytnwch pobl hŷn, pobl â dementia a'u cefnogwyr, a gwella gofal a darpariaeth gwasanaethau.

Mae Gill yn arwain astudiaethau dulliau cymysg a threialon ymyrraeth ac yn cyfrannu atynt, ac mae wedi arwain y gwaith o sicrhau cyllid ymchwil allanol, a chyfrannu at ymdrechion o’r fath, gan sicrhau cyfanswm gwerth £19,858,090.00, gan gynnwys £10,464,912.00 gan Gynghorau Ymchwil y Deyrnas Unedig (ERSC; MRC; AHRC), £7,142,988.00 o ddyfarniadau isadeiledd ymchwil Llywodraeth Cymru a £2,102,190.00 o ffynonellau eraill gan gynnwys Ymddiriedolaeth Wellcome. Ei chyflawniad ymchwil mwyaf yw'r dyfarniad gwerth £1,480,000.00 gan y Sefydliad Cenedlaethol ar gyfer Ymchwil Iechyd i arwain treial hapsamplu rheolyddedig o ymyrraeth iechyd digidol. i helpu gofalwyr dementia i ddatblygu sgiliau a gofalu amdanynt eu hunain.

Mae ei gwaith wedi llywio datblygiad polisi yng Nghymru, ac fel cynorthwyydd ymchwil ôl-radd yn 2001, roedd yn gyd-awdur chwe adolygiad llenyddiaeth gyda'r Athro Vanessa Burholt i lywio datblygiad y Strategaeth gyntaf i Bobl Hŷn yng Nghymru. Mae hefyd wedi arwain adolygiad i lywio Cynllun Gweithredu Heneiddio'n Iach (Llywodraeth Cynulliad Cymru 2005). Yn dilyn ei PhD yn 2006, cafodd ei secondio i Uned Strategaeth Pobl Hŷn Llywodraeth Cynulliad Cymru yn ystod cyfnod adolygu interim 2006/07 y strategaeth, ac roedd yn aelod o Grŵp Cynghori’r Strategaeth.

Rhwng 2016 a 2018, roedd hi'n aelod o grŵp tasg a gorffen strategaeth dementia Llywodraeth Cymru, ac ar hyn o bryd mae'n aelod o grŵp Llywodraeth Cymru sy'n goruchwylio gweithrediad ac effaith y strategaeth dementia. Fel rhan o'r gwaith hwn, mae hi'n rhan o ddau weithgor (gweithredu safonau gofal dementia; dysgu a datblygu), a grŵp llywio gweithredu strategaeth dementia gogledd Cymru.

I gydnabod ei gwaith, dyfarnwyd cadair bersonol iddi gan Brifysgol Bangor yn 2018.

REF 2021

Cyflwynwyd allbynnau ymchwil unigol Gill i asesiad Uned Asesu 3 y Fframwaith Rhagoriaeth Ymchwil, a chyfrannodd yr allbynnau hyn i’r cyflwyniad gyrraedd y 15ed safle yn gyffredinol yn y Deyrnas Unedig. Nodwyd bod 95% o'r hyn a gyflwynwyd gyda’r gorau yn y byd neu'n rhagorol yn rhyngwladol. Arweiniodd ei hymchwil rhyngddisgyblaethol at gyflwyno astudiaeth achos effaith REF 2021 'Arloesedd mewn Gofal Dementia' /ref-2021#3

Mae projectau ymchwil cyfredol yn cynnwys y pynciau canlynol:

• Arwain datblygiad fframwaith cysyniadol o wytnwch i bobl sy'n byw gyda dementia
• Arwain y gwaith o ddatblygu’r mesur canlyniadau cyntaf o wytnwch i bobl sy'n byw gyda dementia
• Arwain rhaglen waith gan gynnwys treial hapsamplu rheolyddedig sy'n archwilio technoleg a ddatblygwyd gan Sefydliad Iechyd y Byd, 'iSupport for dementia carers'