����VR��Ƶ

Ydych chi'n barod i gymryd y cam nesaf yn eich ymarfer arbenigol, neu eisiau dysgu mwy am anawsterau llythrennedd ac asesu?

Mae ein modiwl Gwyddor Anawsterau Llythrennedd ar gyfer Ymyrraeth ac Asesu  ar gyfer ymarferwyr sydd yn awyddus i ddyfnhau eu dealltwriaeth o anawsterau llythrennedd. Bydd y cwrs hwn yn eich galluogi i archwilio’r ddamcaniaeth a’r dulliau asesu i nodi achosion posibl o anawsterau a’u heffaith ar ddarllen ac ysgrifennu. Gall hyn ehangu cyfleoedd proffesiynol ym maes addysg, anawsterau llythrennedd, a dyslecsia.

Mae'r modiwl hwn yn cysylltu gwyddoniaeth ag asesiadau i ymyrraeth ymarferol. Mae'n canolbwyntio ar y ddamcaniaeth, gan gysylltu â'n cyrsiau addysgu ac asesu ymarferol. Gellir cymryd y modiwl Gwyddor Anawsterau Llythrennedd ar gyfer Ymyrraeth ac Asesu cyn ein modiwl Ymarferydd Addysgu Arbenigol, neu cyn ein modiwl Asesiad Ymarferol o Anawsterau Llythrennedd.

Mae'r modiwl hwn yn rhan hanfodol o'n Cymhwyster achrededig Asesydd Athrawon Arbenigol gyda'r modiwlau:

• Ymarferydd Addysgu Arbenigol
• Asesydd Arbenigol: Asesiad Ymarferol o Anawsterau Llythrennedd a Dyslecsia (SpLD)

Mae angen cwblhau pob un o'r tri modiwl yn llwyddiannus i gofrestru ar gyfer Tystysgrif Ymarfer Asesu (APC) gyda chorff proffesiynol fel PATOSS, BDA, neu Dyslexia Guild.

Ar gyfer pwy y mae’r cwrs hwn?

Bydd y cwrs hwn o fudd i athrawon, tiwtoriaid, staff cymorth addysgu a chynorthwywyr, therapyddion lleferydd ac iaith, a phobl sy’n gweithio gyda dysgwyr sydd ag anghenion dysgu ychwanegol (ADY) neu wahaniaethau dysgu.

Nid yw'n ofynnol i ymgeiswyr fod wedi cwblhau unrhyw gyrsiau blaenorol i ymgymryd â'r cwrs yma. Dylech feddu ar y sgiliau academaidd angenrheidiol i allu astudio ar y lefel hon. Ar gyfer ymgeiswyr sy’n dymuno mynd ymlaen i gwblhau’r cwrs Ymarferydd Addysgu Arbenigol ac Asesiad Ymarferol o Anawsterau Llythrennedd, bydd angen i chi gael dwy flynedd o brofiad o weithio gyda phlant a phobl ifanc mewn rôl addysgol neu therapi ar gyfer y cyrsiau hynny.

Pam astudio’r cwrs? 

Mae’r cwrs hwn yn galluogi ymgeiswyr i symud ymlaen tuag at achrediad fel ymarferwyr arbenigol ym maes asesu anawsterau llythrennedd a dyslecsia mewn plant a phobl ifanc sy’n cael trafferth datblygu eu sgiliau llythrennedd.

Byddwch yn dysgu am gryfderau a chyfyngiadau gwybyddol sylfaenol a sut y gallant ei gwneud hi'n fwy heriol i blentyn neu berson ifanc ddatblygu sgiliau llythrennedd. Bydd y cwrs yn edrych ar sut i asesu'r galluoedd gwybyddol sylfaenol hyn gan ddefnyddio offer asesu a sut y gallai'r canlyniadau hyn gysylltu â chanlyniadau asesu mewn cyrhaeddiad darllen ac ysgrifennu. Mae'r wybodaeth hon yn eich helpu i ddeall eich dysgwr ac yn helpu i adnabod y cymorth cywir a'r addasiadau rhesymol ar eu cyfer yn gynnar.

Prif amcanion dysgu:

1. Y gallu i ddeall ac arfarnu'n feirniadol: Ymchwil gyfredol sy'n sail i esboniadau damcaniaethol cyfoes o natur anawsterau tebyg i ddyslecsia a'i berthnasedd i addysgu a dysgu.
2. Y gallu i ddeall ac arfarnu'n feirniadol: Y berthynas rhwng y ddamcaniaeth honno ag asesu cryfderau ac anawsterau gwybyddol dysgwyr.
3. Y gallu i ddeall seicometreg a phrofion addysgol.
4. Deall ac asesu'n feirniadol rôl TGCh wrth sgrinio ar gyfer anawsterau llythrennedd a dyslecsia.
5. Dangos dealltwriaeth o'r egwyddorion dulliau o, a'r gallu i gyflawni, datblygu staff ar gyfer cwricwlwm cynhwysol.

Mae hwn yn gwrs lefel 7 a bydd angen y sgiliau academaidd i astudio ar y lefel hon.

Bydd y cwrs hwn yn cefnogi dysgu ar y cwrs Ymarferydd Arbenigol: addysgu dysgwyr ag anawsterau llythrennedd a Dyslecsia (SpLD), fodd bynnag, nid oes angen achrediad proffesiynol ar gyfer ATS / APS (Statws Athro Achrededig / Statws Ymarferydd Achrededig).

Ar ôl cwblhau'r cwrs hwn, gall ymarferwyr ddewis symud ymlaen i'n Cwrs Asesydd Arbenigol: Asesiad Ymarferol o Anawsterau Llythrennedd a Dyslecsia neu Ymarferydd Arbenigol: addysgu dysgwyr ag anawsterau llythrennedd a Dyslecsia (SpLD).

Successful completion of our three courses will lead to an Assessment Practising Certificate (APC) with SASC (SpLD Assessment Standards Committee).
 

Pa mor hir mae'n ei gymryd i gwblhau'r cwrs? 

Mae' r modiwl hwn  yn cael ei gyflwyno dros 6 mis a gyda modiwlau ychwanegol, gall fod yn rhan o achrediad proffesiynol. Gellir ei gymryd cyn neu ar ôl ein cwrs Ymarferydd arbennig: addysgu dysgwyr ag anawsterau llythrennedd, fodd bynnag dylid ei gwblhau cyn dechrau'r modiwl Asesiad Ymarferol o Anawsterau Llythrennedd.

Dylai ymgeiswyr ddisgwyl ymrwymo tua 12 awr yr wythnos i astudio hunangyfeiriedig er mwyn bodloni gofynion y cwrs. Mae'r amser astudio hwn yn ychwanegol i'r sesiynau addysgu byw, darlithoedd, a hyfforddiant sy'n canolbwyntio ar asesu.

Y dyddiad cychwyn nesaf yw Ionawr 2027. Gwnewch gais nawr i sicrhau eich lle.
 

Gwybodaeth am asesiadau

Mae asesu’r modiwl hwn wedi'i gynllunio i ddatblygu a thystio'r ddealltwriaeth ddamcaniaethol a'r sgiliau cyfathrebu sydd  eu hangen ar gyfer cwblhau'r cwrs yn llwyddiannus.

Mae dulliau asesu yn cynnwys ystod o weithgareddau, megis:

• Aseiniadau ysgrifenedig sy'n archwilio'r fframweithiau damcaniaethol sy'n sail i anawsterau llythrennedd.
• Asesiadau a chwisiau ar-lein i atgyfnerthu gwybodaeth graidd
• Cyflwyniad Datblygiad Proffesiynol i aelodau'r cwrs

Mae asesiadau ffurfiannol yn cael eu cwblhau drwy gydol y cwrs i gefnogi dysgu ac i dystiolaeth o ymgysylltu â'r oriau dysgu gofynnol.

Mae asesiadau crynodol yn cael eu cwblhau i ddangos bod yr ymgeisydd wedi bodloni'r safonau proffesiynol ac academaidd sy'n ofynnol i basio'r cwrs yn llwyddiannus ac i symud ymlaen tuag at achrediad.
 

Tiwtor

Ruth Elliott

Arweinydd DPP yng Nghanolfan Dyslecsia Miles 
Athrawes ac asesydd arbenigol o blant ac oedolion ag anawsterau llythrennedd. Mae hi'n athrawes gymwysedig ac yn meddu ar gymhwyster AMBDA gyda Chymdeithas Dyslecsia Prydain. Ar hyn o bryd, hi yw arweinydd datblygiad proffesiynol parhaus yng Mae hi hefyd yn creu cynnwys ac yn ymgynhorydd ar gyfer prosiect CA:LON.  

Beth fyddwch chi’n ei astudio ar y cwrs yma?

Mae'r modiwl yn defnyddio dull dysgu cyfunol, gan gyfuno addysgu ar y campws ym Mhrifysgol Bangor â dysgu ar-lein drwy gynnwys wedi’i recordio ymlaen llaw a sesiynau byw. Gall dysgwyr ddewis astudio'n gyfan gwbl ar-lein os dymunant.

Gellir cwblhau aseiniadau yn y Gymraeg a'r Saesneg.

£650 when booked with the Practical Assessment of Literacy Difficulties or Specialist Teaching Practitioner : teaching learners with literacy difficulties and Dyslexia

£750 when booked as an individual module

Dylai ymgeiswyr fod yn hyderus eu bod yn gallu astudio ar lefel 7. Gall hyn ddeillio o ddysgu blaenorol, hyfforddiant proffesiynol, neu brofiad gwaith perthnasol.  

Cysylltwch â ni os hoffech drafod a ydych chi'n barod i astudio ar y modiwl hwn.