³ÉÈËVRÊÓƵ

Gwelwyd y gwelliannau mwyaf mewn mesurau sy’n gysylltiedig â’r Arolwg Cenedlaethol o Fyfyrwyr. Cododd safle Bangor ar gyfer boddhad â’r addysgu 38 o leoedd i’r 30ain safle yn genedlaethol, tra gwelwyd gwelliant o naw safle mewn boddhad ag asesu.

Gwnaeth y Brifysgol gynnydd sylweddol hefyd o ran rhagolygon gyrfa, gan godi 22 safle i’r 55fed safle yn genedlaethol.

Ar lefel pynciol, mae naw pwnc wedi’u rhestru o fewn y chwarter uchaf yn genedlaethol, gan gynnwys pump o fewn y 10% uchaf o sefydliadau.

Mae Peirianneg Drydanol ac Electronig ar y blaen gyda’r canlyniadau hyn, gan gael ei rhestru’n gyntaf yn y Deyrnas Unedig gyda’r sgôr Guardian uchaf posibl o 100, o flaen Southampton yn yr ail safle a Chaerwysg (Exeter) yn y trydydd safle. Daeth Bydwreigiaeth yn ail yn y Deyrnas Unedig, gan sicrhau 100% o foddhad ar gyfer addysgu a 97.6% ar gyfer adborth.