³ÉÈËVRÊÓƵ

Mae’r cwrs hwn wedi'i achredu gan Sefydliad y Coedwigwyr Siartredig ac mae’n cyflawni gofynion mynediad i Aelodaeth Broffesiynol yn rhannol.

Rhaglen integredig o'r radd flaenaf dros gyfnod o ddwy flynedd yw’r cwrs sydd â'r nod o gymhwyso graddedigion i ymdrin â'r heriau enfawr sy'n wynebu coedwigoedd, amaethyddiaeth a defnydd tir cynaliadwy mewn rhanbarthau tymherus. Mae'r staff addysgu yn ymchwilwyr brwd a bydd y myfyrwyr yn elwa o'r ystod eang o weithgareddau ymchwil a chysylltiadau sydd gennym yn y Deyrnas Unedig a thramor.

Mae’r cwrs unigryw hwn yn cyfuno profiadau addysgu ac ymchwil pum sefydliad addysg blaenllaw yn Ewrop ac yn cynnig rhaglen addysgol fanwl sydd ar flaen y gad o ran addysgu ar sail ymchwil a gyda chysylltiadau cryf â’r realiti yn llawer o wledydd Ewropeaidd a thu hwnt i Ewrop.

Cynigir y cwrs Rheolaeth Coedwigoedd a Natur Cynaliadwy gan gonsortiwm sy'n cynnwys pum sefydliad:

• Canolfan Coedwigoedd, Tirwedd a Chynllunio Denmarc, Cyfadran Gwyddoniaeth, Prifysgol Copenhagen, Denmarc
• Ysgol yr Amgylchedd ac Adnoddau Naturiol, Prifysgol Bangor, Bangor, Gwynedd
• Cyfadran Gwyddor Coedwigoedd ac Ecoleg, Prifysgol Goettingen, Göttingen, yr Almaen
• Canolfan Ymchwil Coedwigoedd De Sweden, Prifysgol Gwyddorau Amaethyddol Sweden, Alnarp, Sweden
• Cyfadran Amaethyddiaeth, Prifysgol Padova, Padova, yr Eidal.

Ceir gwybodaeth fanwl am gwrs Meistr Rheolaeth Coedwigoedd a Natur Cynaliadwy ar gael yn

Mae'r dudalen we hon yn disgrifio'r cwrs Rheolaeth Coedwigoedd a Natur Cynaliadwy fel y mae wedi ei strwythuro yn y sesiwn academaidd gyfredol. Er bod nodau'r rhaglen a strwythur eang y radd yn debyg o flwyddyn i flwyddyn, gall manylion newid dros amser i fodloni gofynion y proffesiwn ac archwiliadau academaidd, ac i sicrhau bod y rhaglen yn parhau i fod yn effeithiol ac yn gyfoes.

Beth fyddwch chi’n ei astudio ar y cwrs yma?

Y Flwyddyn Gyntaf

Caiff blwyddyn gyntaf y cwrs ei threulio yn astudio yn un o dri sefydliad (Bangor, Copenhagen, Göttingen) a chaiff yr ail flwyddyn ei threulio yn arbenigo mewn pynciau gwahanol a gynigir gan y pum sefydliad. Mae'n ofynnol i'r myfyrwyr dreulio'r ail flwyddyn mewn prifysgol wahanol i’r flwyddyn gyntaf. Nod y flwyddyn gyntaf yw cynnig cyflwyniad trylwyr ac eang i reoli coedwigoedd a thir yn gynaliadwy. Mae'r deilliannau dysgu yn debyg ar gyfer y tri sefydliad yn y flwyddyn gyntaf ac yn caniatáu i fyfyrwyr ddewis fel y mynnant o blith y pum opsiwn arbenigol yn yr ail flwyddyn. Daw'r flwyddyn astudio gyntaf i ben gyda Modiwl Haf ar y Cyd, sy'n cael ei redeg fel gwibdaith am bythefnos i un o wledydd y Consortiwm.

Yr Ail Flwyddyn

Gallwch arbenigo yn yr ail flwyddyn o fewn y pynciau canlynol:

• Rheoli Coedwigoedd a Natur ar gyfer Cymdeithas (Copenhagen)
• Rheoli Coedwigoedd a Natur mewn Hinsawdd sy’n Newid (Göttingen)
• Rheoli Coedwigoedd yng Ngwledydd Llychlyn a Rhanbarth y Baltig (Alnarp)
• Rheoli Coedwigaeth Mynydd a Gwahanfeydd Dŵr (Padova).

Wrth arbenigo bydd rhaid gwneud traethawd ymchwil yn seiliedig ar ymchwil a gwaith maes y tu mewn neu'r tu allan i'r Undeb Ewropeaidd. Pan fydd y myfyrwyr wedi caffael 120 o gredydau drwy astudio mewn dau o sefydliadau’r Consortiwm (o leiaf 60 credyd ym mhob un) byddant yn cael gradd ddwbl mewn Rheolaeth Coedwigoedd a Natur Cynaliadwy a Diploma Ychwanegol. Gellir cwblhau holl weithgareddau modiwlaidd y rhaglen yn Saesneg. Dyfernir y graddau canlynol: MSc mewn Coedwigaeth yn Copenhagen, MSc mewn Coedwigaeth Amgylcheddol ac MSc mewn Cadwraeth a Rheoli Tir ym Mangor, MSc mewn Coedwigaeth yn Göttingen, MSc mewn Coedwigaeth yn Alnarp, ac MSc mewn Gwyddorau Coedwigaeth a'r Amgylchedd yn Padova.

Modiwlau Gorfodol Bangor:

• Asesu Adnoddau Coedwigoedd: Mae'r modiwl hwn yn rhoi cyflwyniad i adnoddau a pholisi coedwigoedd ledled y byd.
• Coedwriaeth: mae'r modiwl hwn yn darparu dealltwriaeth o goedwriaeth a rheoli coedwigoedd mewn rhanbarthau tymherus. Mae hefyd yn amlygu'r rhyngweithio rhwng systemau rheoli a'r amgylchedd ffisegol.
• Rheoli Adnoddau Naturiol : Mae'r modiwl hwn yn rhoi dealltwriaeth ddamcaniaethol ac ymarferol i fyfyrwyr o systemau rheoli adnoddau naturiol i ddarparu gwahanol wasanaethau ecosystemau.
• Gwybodaeth Lleoliad-benodol a gwaith maes mewn rheoli coedwigoedd a natur mewn rhanbarthau tymherus: Mae'r modiwl hwn wedi'i gynllunio yn ei hanfod i alluogi paratoi manwl ar gyfer gwaith maes mewn rheoli coedwigoedd a natur mewn rhanbarthau tymherus.
• Rheolaeth gyfoes coedwigoedd a natur mewn rhanbarthau tymherus -Ìýnewid yn yr hinsawdd a strategaethau rheoli: Mae'r modiwl hwn yn ymdrin â phwnc llosg cyfredol a gellir cynnwys myfyrwyr o bob rhan o’r byd drwy’r fformat e-ddysgu.
• Paratoi Gwaith Maes mewn Rhanbarthau Tymherus: Mae'r modiwl hwn yn datblygu gwybodaeth ffeithiol, fanwl, lleoliad-benodol sy'n berthnasol i faterion coedwigaeth mewn rhanbarthau tymherus
• Ysgol Haf Rheoli Coedwigoedd Cynaliadwy mewn Rhanbarthau Tymherus:ÌýMae'r modiwl hwn yn cymhwyso dulliau casglu a gwerthuso data yn y maes.

Modiwlau Dewisol:

Mae’r dewis o fodiwlau dewisol yn dibynnu ar ble y dewisir treulio’r ail flwyddyn. Mae manylion modiwl llawn y sefydliadau partner ar gael trwy ddilyn y cysylltiadau canlynol: , Denmarc, Prifysgol Bangor, Ìý, yr Almaen; , yr Eidal, Ìý

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Rheolaeth Coedwigoedd A Natur Cynaliadwy (Cwrs Erasmus Mundus).

Mae cynnwys y cwrs wedi’i nodi i’ch arwain yn unig ac fe all newid.

I gael mynediad i’r rhaglen Rheolaeth Coedwigaeth a Natur Cynaliadwy mae angen gradd gyntaf dda mewn pwnc perthnasol, neu radd anrhydedd ail ddosbarth mewn pwnc perthnasol gydag o leiaf ddwy flynedd o brofiad perthnasol mewn coedwigaeth, amaethyddiaeth neu waith arall sy'n gysylltiedig â defnydd tir mewn sefyllfa o gyfrifoldeb amlwg. Dylid bod â thystiolaeth ychwanegol i ategu profiad proffesiynol perthnasol megis bod yn awdur ar adroddiadau proffesiynol priodol neu gofnod o fod yn aelod gweithredol o sefydliad proffesiynol perthnasol neu Gymdeithas Wyddonol Ryngwladol. Yn gyffredinol, fodd bynnag, caiff ymgeiswyr eu barnu yn ôl eu teilyngdod unigol a’u hoedran, ac ystyrir profiad gwaith a ffactorau eraill hefyd.

Gwnewch gais drwy wefanÌý.