Sesiynau Adolygu Astudiaethau Crefyddol cyfrwng Cymraeg AM DDIM

Bydd Adran Athroniaeth, Moeseg a Chrefydd, Prifysgol Bangor yn cynnal cyfres o sesiynau adolygu ar-lein drwy gyfrwng y Gymraeg am ddim ddiwedd Ebrill a dechrau Mai 2026, wedi’u teilwra’n benodol ar gyfer myfyrwyr Safon Uwch sy’n paratoi ar gyfer eu harholiadau.

Bydd y sesiynau’n canolbwyntio ar Athroniaeth Crefydd a Moeseg, gyda chefnogaeth academaidd glir a pherthnasol i ofynion yr arholiadau.

Cynhelir pob sesiwn drwy gyfrwng y Gymraeg, a byddant i gyd yn cael eu darlledu’n fyw ar Zoom.

Yn ystod y sesiynau, bydd cyfle i adolygu themâu allweddol, egluro cysyniadau anodd, gofyn cwestiynau, a chymryd rhan mewn trafodaethau a dadleuon (os dymunir).

Mae’r digwyddiad hwn yn rhad ac am ddim ac wedi’i anelu at gynnig cymorth gwerthfawr wrth baratoi ar gyfer arholiadau Astudiaethau Crefyddol Lefel A.

Ebrill 2026

Dydd Llun, 27ain o Ebrill: A2: Iaith Grefyddol (Uned 5, Thema 4)

Dydd Mercher, 29ain o Ebrill: UG: Iwtilitariaeth (Uned 2, Thema 4)

Dydd Iau, 30ain o Ebrill: A2: Naturiolaeth (Uned 4, Thema 1)

Mai 2026

Dydd Mawrth, 5ed o Fai: UG: Myfïaeth Foesegol (Uned 2, Thema 1)

Dydd Mercher, 6ed o Fai: A2: Moeseg Ddeontolegol (Uned 4, Thema 2)

Dydd Iau, 7fed o Fai: UG: Y Ddadl Ontolegol (Uned 2, Thema 2)

Ar-lein (Zoom), am ddim, a thrwy gyfrwng y Gymraeg.

��VR��Ƶ

Chwilio