Eich Effaith: Straeon a Diweddariadau!

Fel rhoddwr, rydym yn falch o rannu sut mae eich cefnogaeth yn newid bywydau ac yn llunio taith myfyrwyr ym Mhrifysgol Bangor.

Oherwydd eich cefnogaeth, mae myfyrwyr yn gallu manteisio ar gyfleoedd y byddent o bosib yn eu colli fel arall; derbyn cymorth bwrsariaeth ar adegau hollbwysig, cymryd rhan mewn teithiau maes sy'n dod â dysgu'n fyw, ac ymgysylltu â phrojectau sy'n meithrin hyder, llesiant a sgiliau ar gyfer y dyfodol. Drwy wobrau Cronfa Bangor, mae eich rhoddion yn helpu i feithrin chwilfrydedd, uchelgais, ac ymdeimlad o berthyn, gan sicrhau y gall ein myfyrwyr wneud y gorau o bob cam o'u hamser ym Mangor.

Yma, rydym yn rhannu cipolwg ar yr effaith honno, diweddariadau ar brojectau rydych chi wedi helpu i'w cwblhau. Mae'r gweithredoedd haelioni hyn yn creu newid parhaol, nid yn unig i fyfyrwyr heddiw, ond i genedlaethau i ddod.

Gobeithiwn y bydd hyn yn eich helpu i weld canlyniadau go iawn eich ymrwymiad parhaus i Fangor a gwybod pa mor ddiolchgar ydym ni am y rôl rydych chi'n ei chwarae wrth gefnogi ein myfyrwyr a dyfodol y Brifysgol.

Gwnaed projectau Cronfa Bangor yn bosib oherwydd rhoddion gan gyn-fyfyrwyr

Mae'r Swyddfa Datblygu a Chysylltiadau Cyn-fyfyrwyr wedi dyfarnu grantiau o Gronfa Bangor i 16 o brojectau a mentrau sy'n canolbwyntio ar fyfyrwyr ym mlwyddyn academaidd 2025–26. Nod y mentrau hyn yw ychwanegu gwerth at y profiad myfyrwyr, gan adlewyrchu creadigrwydd, uchelgais a chydweithrediad ar draws y Brifysgol.

Mae Cronfa Bangor yn cynnwys rhoddion gan gyn-fyfyrwyr a godir drwy ymgyrch Telethon ddwywaith y flwyddyn. Ei phrif bwrpas yw cefnogi'r Brifysgol i ddarparu elfen o ychwanegolrwydd i’r profiad myfyrwyr. Eleni, adolygodd Pwyllgor Dyrannu Cronfa Bangor fwy nag 20 o geisiadau cyn dewis projectau sy'n cyd-fynd â'r blaenoriaethau strategol.

Diolch i haelioni ein cymuned o gyn-fyfyrwyr, mae Cronfa Bangor yn parhau i gyfoethogi profiad myfyrwyr mewn ffyrdd trawsnewidiol a pharhaol. Mae eich cefnogaeth yn ei gwneud hi'n bosibl i fyfyrwyr ddatgloi eu llawn botensial, cydweithio'n hyderus, ac arwain gyda phwrpas. Rydym wrth ein bodd yn gweld y projectau hyn yn dod yn fyw, a gobeithiwn eich bod chi'n teimlo'n ysbrydoledig gan wybod bod eich haelioni wrth wraidd y cyfan.

Persida Chung, Swyddog Datblygu

Darganfyddwch fwy am Gronfa Bangor

Dathlu Llwyddiant Myfyrwyr drwy Gymynroddion mewn Ewyllysiau

Mae rhai o'n cefnogwyr yn dewis gwneud argraff barhaol ym Mhrifysgol Bangor trwy adael rhodd yn eu hewyllys, a elwir yn aml yn gymynrodd. Mae'r rhoddion meddylgar hyn yn cefnogi achosion sy'n agos at galon y rhoddwr wrth helpu cenedlaethau'r dyfodol o fyfyrwyr i elwa o'r cyfleoedd sy'n diffinio addysg ym Mangor.

Mae cymynroddion yn chwarae rhan bwysig wrth gryfhau'r Brifysgol yn y tymor hir, gan helpu i ariannu ysgoloriaethau, ymchwil, gwella mannau dysgu ac agor cyfleoedd sy'n newid bywydau myfyrwyr. Yn y diweddariad hwn, rydym yn rhannu enghreifftiau o'r gwahaniaeth y mae'r cymynroddion hyn wedi'i wneud, gan ddathlu effaith barhaus y rhai a ddewisodd gofio Prifysgol Bangor yn eu hewyllys.

Dysgwch fwy am roi cymynrodd

Creu Cyfle, Newid Bywydau drwy Ddyngarwch

DIOLCH AM EICH RHODD!

Mae sawl ffordd o roi i Brifysgol Bangor trwy roddion dyngarol. Mae pob rhodd, boed yn gyfraniad mawr neu fach, yn werthfawr ac yn chwarae rhan bwysig wrth helpu i lunio taith y myfyriwr.

Gyda’ch rhoddion chi, rydym yn creu cyfleoedd, yn ysbrydoli darganfyddiadau, ac yn gwneud gwahaniaeth parhaol. O gefnogi myfyrwyr talentog a gwella'r profiad dysgu i hyrwyddo ymchwil o'r radd flaenaf ac ymgysylltu cymunedol, mae eich haelioni’n cael effaith ar bob agwedd ar Brifysgol Bangor.

Mae eich cefnogaeth yn trawsnewid bywydau, yn ehangu gwybodaeth ac yn creu newid cadarnhaol sy'n cael effaith ymhell y tu hwnt i'r campws ac i gymunedau ledled Cymru a thu hwnt. Mae pob rhodd yn ein helpu i barhau â'n cenhadaeth, gan sicrhau y gall myfyrwyr, ymchwilwyr a chymunedau'r dyfodol ffynnu.

Archwiliwch Eich Gweledigaeth Dyngarol

We recognise that many donors value the opportunity to have a personal conversation about the impact they would like to make. If you would like to discuss the areas that matter most to you and explore how your support could help shape ��VR��Ƶ's future, please feel free to contact our Development Officer, Persida Chung, for an informal conversation.

��VR��Ƶ

Chwilio